Օրբանը ներկա չի լինի Թրամփի երդմնակալությանը

Հունգարիայի վարչապետ Վիկտոր Օրբանը ներկա չի լինի ԱՄՆ նորընտիր նախագահ Դոնալդ Թրամփի երդմնակալության արարողությանը, այդ օրը նա հանդես կգա Եվրամիությունում հունգարական նախագահության արդյունքների մասին զեկույցով, հայտարարել է Հունգարիայի վարչապետի մամուլի քարտուղար Բերտալան Հավաշին:

«Չնայած ջերմ հարաբերություններին՝ Վիկտոր Օրբանը չի մասնակցի ԱՄՆ նախագահ Դոնալդ Թրամփի երդմնակալությանը 2025 թվականի հունվարի 20-ին։ Այդ օրը վարչապետը Բուդապեշտում զեկույցով հանդես կգա 2024 թվականի երկրորդ կեսին ԵՄ - ում Հունգարիայի նախագահության արդյունքներին նվիրված խորհրդաժողովում», - Հավաշիի խոսքը մեջբերում է Telex պորտալը։

Դեկտեմբերին Հունգարիայի վարչապետի աշխատակազմի ղեկավար Գերգեյ Գույաշը հայտարարել էր, որ Օրբանի կողմից Թրամփի երդմնակալության արարողությանը մասնակցելու ծրագրեր դեռ չկան, նման միջոցառումներին, որպես կանոն, օտարերկրյա առաջնորդներ չեն կանչվում: