Հերթական աբսուրդ դատական գործընթացը, թիրախում ազգային բարերար Չենբերջյանն է․ Արտակ Բեգլարյան

Արցախի նախկին ՄԻՊ Արտակ Բեգլարյանն անդրադարձել է ազգային բարերար Գաբրիել Չենբերջյանի դատավարությանը․

«Հերթական աբսուրդ քրեական վարույթն ու դատական գործընթացը՝ մարդու իրավունքների մի շարք ակնհայտ խախտումներով:

Այս անգամ թիրախը ազգային բարերար Գաբրիել Չենբերջյանն է, ով բազմաթիվ բարեգործական ծրագրեր է իրականացրել Մայր Հայաստանում ու Արցախում (միայն Արցախում՝ շուրջ 4 մլն դոլարի չափով):

Նրան հրատապ ձերբակալել են, ազատ արձակել, հիմա էլ հրատապ, առանց լսված լինելու իրավունքի իրացման նույնիսկ ֆորմալ հնարավորության, փորձում են կալանավորել:

Այս ակնհայտ շտապողականությունից ու մեղադրանքի հիմք հանդիսացող ապացույցների առնվազն առերևույթ բացակայությունից կրկին քաղաքական պատվերի հոտ է փչում:

Մարդուն հնարավորություն տվեք իր իրավունքները պատշաճորեն պաշտպանելու և ապացուցելու իր անմեղությունը»։