Հայաստանը եղել է, կա և մնում է մեր դաշնակիցը․ ՀԱՊԿ գլխավոր քարտուղար

Հայաստանը եղել է, կա և մնում է մեր դաշնակիցը, և մենք հուսով ենք, որ տեսանելի ապագայում այն ​​կվերադառնա ՀԱՊԿ-ին լիարժեք մասնակցության։ Այս մասին նշել է ՀԱՊԿ գլխավոր քարտուղար Իմանգալի Տասմագամբետովը։

«Հայաստանն այժմ դադարեցրել է աշխատանքը կազմակերպությունում, և դա արտացոլում է երկրի ղեկավարության ներկայիս քաղաքական դիրքորոշումը»,- ընդգծել է կազմակերպության ղեկավարը։

Հիշեցնենք՝ Աստանայում ընթանում է Հավաքական անվտանգության խորհրդի հերթական նիստը կազմակերպության երկրների ղեկավարների մասնակցությամբ։ Հայաստանը, որը հայտարարել է կազմակերպությանն իր անդամակցության սառեցման մասին, կրկին չի մասնակցում գագաթնաժողովին, սակայն հայտարարել է, որ չի առարկում նախատեսված փաստաթղթերի ընդունմանը: