ՌԴ ԱԳՆ-ն խոսել է Ռուսաստանի և Իրանի համագործակցության մասին

Ռուսաստանի ու Իրանի  համագործակցությունը չի ազդի երրորդ երկրի անվտանգության վրա։ «Ռիա Նովոստի» գործակալության փոխանցմամբ, այս մասին հայտարարել է Ռուսաստանի ԱԳ փոխնախար Սերգեյ Ռյաբկովը։

«Մեր համագործակցությունը ժամանակի փորձարկված է, այն չի պարունակում այնպիսի տարրեր, որոնք՝

• ինչ-որ բան խախտում են միջազգային իրավական պարտավորությունների տեսանկյունից,
• ինչ-որ կերպ բացասաբար են ազդում ինչ-որ մեկի անվտանգության վրա կամ ինչ-որ տարածաշրջանային հաշվեկշիռների վրա»,- ասել է դիվանագետը։

Նրա խոսքով՝ Վաշինգտոնը մտադիր է վեճ գցել Մոսկվայի և Թեհրանի միջև, սակայն դա ԱՄՆ-ին չի հաջողվի անել։ Դիվանագետը հավելել է, որ ոչ ոք չի ժխտում Իրանի և Ռուսաստանի միջև ռազմատեխնիկական համագործակցությունը, և ԱՄՆ-ն պետք է հոգա իր խնդիրները։