Այն, ինչ անում է ՀՀ կառավարությունը, նորմալ երկրում դատախազը նույն պահին կալանքի որոշում է տալիս․ Գեղամ Մանուկյան

«Ինչպե՞ս է սահմանազատում իրականացվում երկրում, եթե մինչ օրս Հայաստանի և Ադրբեջանի միջև այդ փաստաթուղթը չի ստորագրվել»։ Այս մասին այսօր՝ ապրիլի 23-ին, ԱԺ Արտաքին հարաբերությունների մշտական հանձնաժողովի նիստի ժամանակ ասաց «Հայաստան» խմբակցության պատգամավոր Գեղամ Մանուկյանը:

Նշենք, որ քննարկվում էր Հայաստանի Հանրապետության և Ադրբեջանական Հանրապետության միջև սահմանազատման և սահմանագծման վերաբերյալ հարցը:

Գեղամ Մանուկյանն ընդգծեց, որ առհասարակ երկու երկրի միջև սահմանազատում և սահմանագծում իրականացվում է փաստաթղթի ստորագրումից 2 ամիս անց։

Գեղամ Մանուկյանը շեշտեց` աշխարհում չկա մի երկիր ու նման խելագար կառավարություն, որ օկուպացված տարածքներ ունենա ու սեփական ժողովրդին պատերազմով վախեցնի։