Մնացած խնդիրների կողքին դասագիրքը նաև չի ունեցել աուդիալ նյութեր՝ QR կոդի հավելումով

Պատմական գիտությունների թեկնածու Արման Մալոյանը գրում է․

«Ստորև տեղադրում եմ 7-րդ դասարանի «Հայոց պատմություն» առարկայի դասագրքի (Հայոց պատմություն, 7-րդ դասարանի դասագիրք, Հեղինակ՝ Սմբատ Հովհաննիսյան, «Մասնակցային դպրոց» ԿՀ, 2023) վերաբերյալ Փորձագիտական հանձնաժողովի անդամ մանկավարժ-հոգեբանի դիտարկումները և առաջարկները, որոնք պատկան մարմնի կողմից համարվել են ընդունելի: Մի կողմ թողնելով մաքրամաքուր, ոսկեղենիկ հայերենով ու համոզիչ, երկաթյա կուռ եզրակացությունը, խնդրեմ ուշադրություն դարձրեք, որ մրցույթի ներկայացված դասագիրքը նաև չի ունեցել աուդիալ նյութեր՝ QR կոդի հավելումով, թեև դա եղել է դասագրքին ներկայացվող պարտադիր պայման»։