Բայդենը Սի Ծինփինի հետ քննարկելու է ռազմական շփումների վերականգնման հարցը

ԱՄՆ նախագահ Ջո Բայդենն ակնկալում է, որ Չինաստանի ղեկավար Սի Ծինփինի հետ հանդիպման ժամանակ կքննարկվեն ռազմական շփումների վերսկսման պարամետրերը։ Այս մասին հայտարարել է ԱՄՆ վարչակազմի բարձրաստիճան պաշտոնյան։

«Կարելի է ակնկալել, որ նախագահը հանդիպման ժամանակ կքննարկի նման հաղորդակցության պարամետրերը»,- լրագրողներին ասել է Սպիտակ տան պաշտոնյան։

Նրա խոսքով, Բայդենը հավատարիմ է ԱՄՆ-ի և չինացի զինվորականների միջև կապերի վերականգնմանն ուղղված քայլերին, որոնք ավելի մանրամասն կքննարկվեն հաջորդ շաբաթ։

Սպիտակ տունը հաստատել է, որ Բայդենի և Սի Ծինփինի հանդիպումը տեղի կունենա նոյեմբերի 15-ին Սան Ֆրանցիսկոյում։