Ռուսաստանի և Իրանի ԱԳ նախարարները կարևորել են 3+3 հարթակի աշխատանքների արագ վերսկսումը

Ռուսաստանի արտաքին գործերի նախարար Սերգեյ Լավրովը և Իրանի արտաքին գործերի նախարար Հոսեյն Ամիր Աբդոլահիանը հեռախոսազրույց են անցկացրել, որի ժամանակ, ի թիվս այլ հարցերի, քննարկել են նաև իրավիճակը Հարավային Կովկասում։ Այս մասին հաղորդագրություն է տարածել Ռուսաստանի արտաքին գործերի նախարարությունը։

Նշվում է, որ Ռուսաստանի և Իրանի արտաքին գործերի նախարարները կողմ են արտահայտվել տարածաշրջանային խորհրդատվական 3+3 ձևաչափի շրջանակներում համատեղ աշխատանքի օպերատիվ վերսկսմանը։  

Կողմերը քննարկել են նաև մերձավորարևելյան տարածաշրջանում արդիական օրակարգի հարցեր՝ պաղեստինաիսրայելական հակամարտության վերջին սրացման համատեքստում։ Նրանք ընդգծել են զինված դիմակայությունը շուտափույթ դադարեցնելու կարևորությունը և  իրավիճակի կարգավորումը՝ միջազգային-իրավական հայտնի հիմքի վրա։