ԱՀ լուծարման հրամանագիրը ստորագրվել է ուժի պարտադրանքով՝ այդքանով իսկ ապօրինի է և իրավական ուժ չի կարող ունենալ․ Չալաբյան

Հասարակական, քաղաքական գործիչ Ավետիք Չալաբյանը ֆեյսբուքյան իր էջում գրել է, որ ԱՀ լուծարման հրամանագիրը ստորագրվել է ուժի պարտադրանքով՝ այդքանով իսկ ապօրինի է և իրավական ուժ չի կարող ունենալ։

«Այսօր Արցախի նախագահ Սամվել Շահրամանյանը հրամանագիր է ստորագրել Արցախի Հանրապետության լուծարման վերաբերյալ։ Քանի որ այն արվել է ուժի պարտադրանքով, մեր բազմահազար հայրենակիցների կյանքին անմիջական մահացու սպառնալիքի պայմաններում, այն այդքանով իսկ ապօրինի է և իրավական ուժ չի կարող ունենալ։

Համապատասխանաբար, ես շարունակում եմ ճանաչել Արցախի Հանրապետությունը ու նաև շարունակելու եմ պայքարել նրա լիարժեք վերականգնման համար, եթե նույնիսկ դա տասնամյակներ տևի։ Աստված պահապան Արցախին և նրա հերոսական ժողովրդին»։