Հայաստանը ծնկի է բերել միայն մեկ ղեկավար եւ այդ մեկ ղեկավարը Փաշինյանն է․ Սուքիասյան

«Մայր Հայաստան» ժողովրդական շարժման անդամ Մանուկ Սուքիասյանը շարժման հիմնադիր հավաքի ընթացքում դիմեց Փաշինյանին, հիշեցնելով, թե ինչպես էր հայտարարում, որ Հայաստանի փրկությունը կախված է մեկ մարդուց եւ այդ մեկ մարդն ինքն է։ Սուքիասյանը հիշեցնում է՝ Հայաստանը ունեցել է ղեկավար, որի օրոք լրագրողը բանտում հացադուլից մահացել է, դատարանի  դահլիճում մահացել է քաղաքական հետապնդման ենթարկված Արմեն Գրիգորյանը։ Հայաստանը ունեցել է մեկ ղեկավար, որը հայտարարել է՝ Արցախը Հայաստան է եւ վերջ ու երեք տարի անց այդ նույն մարդը փոխել է խոսքն ասելով՝ Արցախը Ադրբեջան է։ «Հայաստանը ծնկի է բերել մեկ ղեկավար եւ այդ մեկ ղեկավարը դու ես»,-ընդգծեց Մանուկ Սուքիասյանը։