Փաշինյանը Պուտինի հետ հանդիպմանը հայտնել է, որ ցանկանում է քննարկել Ղարաբաղում ռուս խաղաղապահների աշխատանքը

Հայաստանի վարչապետ Նիկոլ Փաշինյանը Սոչիում ՌԴ նախագահ Վլադիմիր Պուտինի հետ հանդիպմանը Լաչինի միջանցքում և Լեռնային Ղարաբաղում ստեղծված իրավիճակը համարել է ճգնաժամային։

Փաշինյանը Պուտինին հրավիրել է քննարկելու Լեռնային Ղարաբաղում ռուս խաղաղապահների պատասխանատվության գոտում տիրող իրավիճակը։

«Մենք պարբերաբար հանդիպում և քննարկում ենք հարցերի լայն շրջանակ։ Այսօր մենք կքննարկենք երկկողմ օրակարգային և տարածաշրջանային հարցեր։ Կարծում եմ, որ այսօր մենք կքննարկենք նաև Լեռնային Ղարաբաղում ռուս խաղաղապահների պատասխանատվության գոտում տիրող իրավիճակը։ Ցավոք սրտի, այնտեղ հումանիտար իրավիճակը շարունակում է լարված մնալ»,- ասաց Փաշինյանը։