Հայաստանը հարթակների միջև տարբերություն չի դնում, բանակցությունները խաղաղության պայմանագրի նույն նախագծի շուրջ են․ Միրզոյան

Հայաստանը Ադրբեջանի հետ խաղաղության պայմանագրի նախագծի շուրջ բանակցությունների հարթակների միջև տարբերություն չի դնում։ Այս մասին հայտարարեց Հայաստանի արտաքին գործերի նախարար Արարատ Միրզոյանը:  

«Հայաստանը հարթակների միջև տարբերություն չի դնում, խաղաղության գործընթացը մեկն է, բանակցություններն էլ ընթանում են խաղաղության պայմանագրի միևնույն նախագծի և դրա հիմնադրույթների շուրջ։ Մենք շնորհակալ ենք բոլոր մայրաքաղաքներին, որոնք հարթակ են տրամադրում, փորձում են կամրջող դեր խաղալ այս գործընթացում։ Հայաստանի համար հարցն այդպես չի դրված՝ բանակցել Մոսկվայում, Բրյուսելում, թե Վաշինգտոնում»,- ասաց Միրզոյանը։