Ալիևը հերթական անգամ ասել է՝ հայե՛ր, խաղաղություն չի լինելու, մենք ձեզ վերացնելու համար անելու ենք ամեն ինչ․ Ալվինա Աղաբաբյան

Պետություն-ահաբեկիչ Ադրբեջանի պարագլուխ Ալիևը լրատվամիջոցներին տված հարցազրույցում բառացի ասել է հետևյալը․

«ՄԻ ՕՐ ՆՐԱՆՔ [հայերը] ԿԲԱՑԵՆ ԱՉՔԵՐԸ ԵՎ ԻՐԵՆՑ ԳԼԽԱՎԵՐԵՎՈւՄ ԿՏԵՍՆԵՆ ԱԴՐԲԵՋԱՆԱԿԱՆ ԴՐՈՇԸ»։

Ինչ է սա նշանակում։

Սա նշանակում է՝ Ալիևը հերթական անգամ ասել է՝ հայե՛ր,

• խաղաղություն չի լինելու, մոռացեք խաղաղության մասին, նման բան չկա,
• որքան զիջեք, ես ավելին եմ պահանջելու, ու այդպես այնքան, մինչև հասնեմ Երևան,
• մենք ձեզ հետ խաղաղ ապրել չենք ուզում, մենք ուզում ենք, որ դուք վերանաք տարածաշրջանից և՛ որպես պետություն, և՛ որպես ազգ,
• մենք ձեզ վերացնելու համար անելու ենք ամեն ինչ ու այնքան ժամանակ, մինչև Ադրբեջանի դրոշը չծածանվի Երևանի կենտրոնում՝ կառավարության շենքի գլխին։

Ալվինա Աղաբաբյան

Ռազմավարական հետազոտությունների հայկական կենտրոնի ղեկավար