Թուրքիան պահանջներ է ներկայացրել Շվեդիայի և Ֆինլանդիայի՝ ՆԱՏՕ-ին անդամակցելու համար. Bloomberg

Bloomberg-ը հրապարակել է Թուրքիայի պահանջները՝  Շվեդիայի և Ֆինլանդիայի՝ ՆԱՏՕ-ին անդամակցելու հավանություն տալու դիմաց․Անկարան պնդում է, որ Ստոկհոլմը և Հելսինկին PKK-ն և դրա ածանցյալները հայտարարեն ահաբեկչական կազմակերպություններ։

Բացի դրանից՝ Թուրքիան պահանջում է F-16 կործանիչների գնման իր նոր փաթեթի հաստատում, F-35 կործանիչների ծրագրին կրկին միացում, սպառազինության էմբարգոյի չեղարկումը և հակաօդային պաշտպանության Ս-400 համակարգերի նկատմամբ պատժամիջոցների վերացում։ Հակառակ դեպքում՝ Թուրքիան, չնայած ՆԱՏՕ-ի ղեկավարության կողմից իրենց ուղղված համառ կոչերին, մտադիր է արգելափակել Շվեդիայի և Ֆինլանդիայի՝ Հյուսիսատլանտյան դաշինքին միանալու դիմումը։