Վրաստանը հրաժարվում է կատարել Ուկրաինայի պահանջները զենքի մատակարարման և երկրորդ ճակատի բացման վերաբերյալ

Վրաստանը հրաժարվում է կատարել Ուկրաինայի պահանջները զենքի մատակարարման և երկրորդ ճակատի բացման վերաբերյալ։ Այս մասին գերմանական Deutsche Welle հրատարակությանը տված հարցազրույցում հայտարարել է Վրաստանի նախագահ Սալոմե Զուրաբիշվիլին։

«Ուկրաինացիներն ավելի ու ավելի շատ օգնություն են պահանջում իրենց գործընկերներից, ոչ միայն Վրաստանից, հաճախ՝ կոպիտ ձևով: Կիևը ցանկանում է զենքի մատակարարումներ ստանալ Թբիլիսիից, ինչպես նաև Վրաստանում բացել Ռուսաստանի հետ պատերազմի երկրորդ ճակատը։ Այս ամենն անհնար է։ Մենք պետք է զգույշ լինենք այս հարցերում, քանի որ մենք չունենք այդքան մեծ բանակ, և ոչ ոք մեզ օգնության չի գա, ինչպես Ուկրաինային»,- ասել է Վրաստանի նախագահ Սալոմե Զուրաբիշվիլին։