Սահակաշվիլին վերադարձել է Ռուսաստանի դեմ պատերազմ սկսելու համար. Վրաստանի վարչապետ

Վրաստանի նախկին առաջնորդ Միխեիլ Սահակաշվիլին վերադարձել է Վրաստան՝ պատրաստվելու Ուկրաինայում ռազմական գործողությունների դեպքում Ռուսաստանի դեմ երկրորդ ճակատ բացելուն: Այս մասին չորեքշաբթի հայտարարել է Վրաստանի վարչապետ Իրակլի Ղարիբաշվիլին։

«Երկրորդ ճակատ բացելու մտադրություն կար։ Կոնկրետ տեղեկություններ կային, որ Ուկրաինայում պատերազմը պետք է սկսվեր անցյալ տարվա նոյեմբերին կամ դեկտեմբերին։ Դրա համար Սահակաշվիլին եկավ` այստեղից երկրորդ ճակատի բացումը պատրաստելու։ Ցավոք, մեր ուկրաինացի ընկերները հաստատել են դա»,- ասել է Ղարիբաշվիլին վրացի լրագրողներին տված հարցազրույցում։

Վրաստանի վարչապետը հերթական անգամ հայտարարել է, որ ոչ ոք հանրապետությունը չի ներքաշելու ուկրաինական իրադարձությունների մեջ, չի լինելու երկրորդ ճակատ։