Սերժ Սարգսյանը ներկայացրել է Հանրապետականի մոտեցումները Արցախի և տարածաշրջանում իրավիճակի հարցին

Այսօր ՀՀԿ կենտրոնակայանում Սերժ Սարգսյանը հյուրընկալել է «Կոնրադ Ադենաուեր» հիմնադրամի Եվրոպայի և Հյուսիսային Ամերիկայի գրասենյակի ղեկավար Լարս Հենզելի ղեկավարած պատվիրակությանը։ Այս մասին տեղեկանում ենք ՀՀԿ փոխնախագահ Արմեն Աշոտյանի ֆեսբուքյան էջից։

«Համագործակցության շրջանակներում կողմերը քննարկել են երկկողմ հարաբերությունները և փոխգործակցության ընթացիկ ու նախանշված ծրագրերը։

Գերմանական կողմի խնդրանքով Սերժ Սարգսյանը ներկայացրել է Հանրապետականի մոտեցումները Արցախի հարցի, ինչպես նաև տարածաշրջանային ու գլոբալ վերջին զարգացումների վերաբերյալ։

Նախագահ Սարգսյանը նաև շնորհակալություն է հայտնել հիմնադրամի հարավկովկասյան գրասենյակի ղեկավար Թոմաս Շռապելին երկարամյա և արգասաբեր աշխատանքի համար», - հայտնում են ՀՀԿ-ից։