Չինաստանի բանակը միջոցներ կձեռնարկի Թայվանի գործերին միջամտությունը դադարեցնելու համար

Չինական բանակն արդյունավետ միջոցներ կձեռնարկի արտաքին միջամտությունը և Թայվանի՝ անկախության հասնելու փորձերը զսպելու համար. հինգշաբթի ասել է Չինաստանի պաշտպանության նախարարության խոսնակ Տան Կեֆեյը։

«Թայվանը Չինաստանի տարածքի անբաժանելի մասն է, Թայվանի հարցը վերաբերում է Չինաստանի հիմնարար շահերին և չի հանդուրժում արտաքին միջամտություն»,- ասել է նա՝ մեկնաբանելով  ԱՄՆ-ի կողմից Թայվանի հետ սպառազինությունների գործարքի հաստատումը, ներառյալ Patriot հակաօդային պաշտպանության համակարգը։

Նա ընդգծել է, որ «Չինաստանի Ժողովրդական-ազատագրական բանակը արդյունավետ միջոցներ կձեռնարկի՝ վճռականորեն ճնշելու արտաքին միջամտության ցանկացած ձև և անջատողական ուժերի՝ Թայվանի անկախության հասնելու փորձերը, նաև անշեղորեն կպաշտպանի ազգային ինքնիշխանությունն ու տարածքային ամբողջականությունը»: