Ինչո՞վ է զբաղվում ԱԺ-ն, երբ այլ իրավիճակ է երկրում․ Սեյրան Օհանյան

Իմ և պարոն Ռուբինյանի խոսակցության հիմնական թեման այն է եղել, որ ԱԺ-ն, որպես խորհրդարանական վերահսկողական օրգան,  ինչո՞վ է զբաղվում, երբ այլ իրավիճակ է երկրում։ Երբ երկրի գործադիրի ղեկավարը  հայտարարում է այն մտահոգությունների մասին, որ հնարավոր է լարվածությունը մեծանա և պատերազմական գործողություններ սկսվեն. ԱԺ-ում ասաց «Հայաստան» խմբակցության ղեկավար Սեյրան Օհանյանը:

«Իհարկե,  նախաձեռնությունները կարևոր են, բայց բոլոր  նախաձեռնությունները պետք է լինեն ժամանակին, և այս ժամանակահատվածում երբևիցե իշխանական խմբակցության կողմից հրատապության, անվտանգության,  սահմանային խնդրների  վերաբերյալ  նախաձեռնություն տեղի չի ունեցել»,- նշեց նա։

Հիշեցնենք, որ մեկնարկել է Ազգային ժողովի արտահերթ նիստը, որը հրավիրել է «Քաղաքացիական պայմանագիր» խմբակցությունը։  Նախագծով առաջարկվում է այն համայնքներում, որտեղ ինչ-ինչ պատճառներով համայնքապետեր չեն ընտրվում, հնարավորություն տալ վարչապետին՝ ժամանակավոր պաշտոնակատարներ նշանակել։