«Անվերջության ժապավեն» հուշարձանը և «Արձագանք» քանդակը այսուհետ կլինեն տեսախցիկների 24-ժամյա հսկողության տակ

ՀՀ  կառավարության որոշմամբ՝ վերականգնված «Անվերջության ժապավեն» հուշարձանը և «Արձագանք» քանդակը այսուհետ կլինեն  տեսախցիկների 24-ժամյա հսկողության տակ։

Վերականգնման աշխատանքների ավարտից հետո «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ը նախաձեռնել է տարածքի բարեկարգումը և անվտանգության գերժամանակակից  համակարգերի տեղադրումը՝ բացառելու համար հուշարձանի նկատմամբ վանդալիզմի դեպքերը։

Երևան-Սևան մայրուղու  32-րդ  կմ-ի վրա գտնվող «Անվերջության ժապավեն» կամ «Ճանապարհաշինարարներ» հուշարձանը, նաև՝ Երևան-Սևան միջպետական  ճանապարհին գտնվող «Արձագանք» քանդակը նախկինում մի քանի անգամ վանդալիզմի են ենթարկվել։