Ֆրանսիան Սառը պատերազմից հետո առաջին անգամ կբարձրացնի իր միջուկային ուժերի պատրաստությունը

Ֆրանսիայի կառավարությունը որոշել է մեծացնել իր միջուկային ուժերի պատրաստությունը Ռուսաստանի կողմից սպառնալիքի պատճառով։ Երեք տասնամյակի ընթացքում առաջին անգամ միջուկային շարժիչով ֆրանսիական երեք սուզանավ միաժամանակ տեղակայվել է ծովում. գրում է The Times-ը։

Նշվում է, որ ֆրանսիական Triomphant դասի բալիստիկ հրթիռներով չորս սուզանավերից երկուսը լքել են իրենց բազան Բրեստից հարավ գտնվող Իլ Լոնժում՝ աջակցելով միակ սուզանավին, որը, սովորաբար, մշտական պարեկություն է իրականացնում Ատլանտյան օվկիանոսում:

Վերջին անգամ երեք սուզանավ տեղակայվել էր ծովում Սառը պատերազմի ավարտից տասը տարի առաջ՝ Եվրոպայում միջին հեռահարության հրթիռների պատճառով ԱՄՆ-ԽՍՀՄ դիմակայության ժամանակ: