Հույս ունեմ, բայց վստահ եմ՝ չեք անի. Աղվան Վարդանյանը՝ ՔՊ-ական պատգամավորներին

«Հայաստան» խմբակցությունը նոր օրենսդրական նախաձեռնություն է բերել, որը ներկայացրեց պատգամավոր Աղվան Վարդանյանը:

«Օրենսդրական նախաձեռնությունը վերաբերում է հրատարակչության ոլորտին։ Առաջարկվում է գրքերի տպագրությունը և դրա համար անհրաժեշտ նյութերի ներմուծումը ազատել ավելացված արժեքի հարկից: Նպատակը օրենքի ընթերցանության, կրթվածության խթանումն է, հրատարակչական գործին աջակցելը: Կարծում եմ՝ մեր հիմնական խնդիրներից մեկը հենց գրքի, ընթերցանության հանդեպ վերաբերմունքն է:

Հարցը քննարկվել է կրթության, գիտության և մշակույթի հանձնաժողովում, ցավոք, մեր գործընկերները ՔՊ-ից ձեռնպահ են  քվեարկել, և բացասական եզրակացություն է ստացել: Հույս ունեմ, որ խորհրդարանը, կարևորելով գրքի հանդեպ վերաբերմունքը, մեր հասարակության կրթվածության մակարդակի բարձրացումը, կընդգրկվի օրակարգ այս հարցը։ Հույս ունեմ, բայց վստահ եմ՝ չեք անի»,- ասաց պատգամավորը:

Ավելին՝ տեսանյութով: