ԱՄՆ-ը Patriot հակաօդային պաշտպանության համակարգեր է տեղակայել Լեհաստանում. Պենտագոն

Միացյալ Նահանգները Լեհաստանում տեղակայել է Patriot զենիթահրթիռային համակարգերի երկու մարտկոց։ Այս մասին լրագրողներին հայտնել է Պենտագոնի բարձրաստիճան պաշտոնյա։

«Patriot մարտկոցները տեղափոխվել են Լեհաստան։ Ես չեմ մանրամասնի դրանց գտնվելու վայրը և աշխատանքային վիճակը, բայց դրանք Լեհաստանում են և զինված են»,- ասել է նա։

Պաշտոնյայի խոսքով՝ համակարգերը տեղակայվել են բացառապես պաշտպանական նպատակներով՝ Լեհաստանի իշխանությունների հետ խորհրդակցելուց հետո և նրանց առաջարկով։

Նա ընդգծել է, որ համալիրների փոխանցումը վկայում է այն մասին, որ ԱՄՆ-ը հավատարիմ է ՆԱՏՕ-ի կանոնադրության 5-րդ հոդվածով նախատեսված իր պարտավորություններին։