ՏԵՍԱՆՅՈՒԹ․ Կառավարության շենքում անկարգությունների գործով դատավարությանը տեսանյութ ցուցադրվեց ու հարցաքննվեցին վկաներ

Նոյեմբերի 9-ի լույս 10-ի գիշերը կառավարության շենք մուտք գործելու և այնտեղ ենթադրաբար բռնություն և զանգվածային անկարգություն կատարելու համար մեղադրվող 5 անձանց դատավարության ժամանակ այսօր ցուցադրվեց տեսանյութ, որը մեղադրող կողմը մեկնաբանում էր իբրև մեղադրանքի ապացույց՝ հայտնում է Yerkir.am-ը։

Պաշտպանը, սակայն, համաձայն չէր մեկնաբանությունների հետ և շատ դրվագներում, նրա համոզմամբ, չէր երևում այն, ինչի մասին ասում էր մեղադրող դատախազը։

Տեսանյութը դատարանի դահլիճում հրապարակային դիտելուց հետո դատարանն անցավ վկաների հարցաքննությանը։ Վկաները, սակայն, ՊՊԾ աշխատակիցներ էին և չհամաձայնեցին, որպեսզի իրենց ցուցմունքները լրատվամիջոցները տեսանկարահանեն։

Ավելի վաղ պաշտպան Կարեն Հակոբյանը նշել էր, որ հարցաքննելու են նաև ՀՀ վարչապետի նախկին մամուլի խոսնակ Մանե Գևորգյանին, որի մազը քաշել է իր վստահորդը անեծքներ տալու համար։

Մանրամասն՝ տեսանյութում․