Ադրբեջանը հայերին թույլ չի տալիս Դադիվանք այցելել, նույնիսկ՝ խաղաղապահների հետ. Միջազգային քրիստոնեական կոնցեռն

Ադրբեջանը շարունակում է թույլ չտալ հայ ուխտավորներին՝ այցելել Դադիվանք. հինգ հայ հոգևորականներ շարունակում են մնալ վանքում՝ մոտակայքում տեղակայված ռուս խաղաղապահների հետ. հայտնում է Միջազգային քրիստոնեական կոնցեռնի կայքը։

Վանականներն ամիսներ շարունակ խաղաղապահների ներկայությամբ կատարում էին իրենց ծեսերը, այդ թվում՝ աղոթք։ Արցախի թեմի ներկայացուցիչ Վրթանես եպիսկոպոս Աբրահամյանը մեկնաբանել է, որ անհասկանալի է, թե ինչու է Ադրբեջանը շարունակում արգելել այցելությունները վանք, քանի որ այն արգելված տարածքում չէ։ «Ադրբեջանցիներն, առանց պատճառի, թույլ չեն տալիս (այցելել վանք): Նրանք ոչինչ չեն ասում։ Խաղաղապահները գտնվում են վանքի տարածքում»,- ասել  է նա: