Ուրախ կլինենք տեսնել Ռուբինյանին ու Միրզոյանին. Չավուշօղլու

Այս գարնանը Անթալիայում կայանալիք դիվանագիտական համաժողովին հայկական կողմից հրավիրվել են Հայաստանի արտգործնախարար Արարատ Միրզոյանը և Թուրքիայի և Հայաստանի հարաբերությունների կարգավորման հարցերով հատուկ ներկայացուցիչ Ռուբեն Ռուբինյանը։ Այս մասին հայտնել է Թուրքիայի արտգործնախարար Մևլութ Չավուշօղլուն։

«Մենք հրավիրել ենք Հայաստանի արտգործնախարար Միրզոյանին և հատուկ ներկայացուցիչ Ռուբինյանին։ Փաշինյանը հայտարարել է, որ մեր կողմից հրավիրված անձինք կարող են մասնակցել ֆորումին։ Ուրախ կլինենք։ Սա վստահության ամրապնդման քայլերի մի մասն է լինելու»,- TRT Haber-ի հաղորդմամբ՝ ասել է Չավուշօղլուն:

Նա նաև նշել է, որ համաժողովին կլինի նաև Ադրբեջանը, «թող Ադրբեջանն էլ, Հայաստանն էլ իրենց կարծիքը հայտնեն այստեղ և դրանք վստահությանն ուղղված քայլեր կլինեն»: