Թուրքիայում գազատարը պայթեցրած քրդերն իրենց հարձակումը նվիրել են Հրանտ Դինքի հիշատակին

Իրաքյան Քուրդիստան-Թուրքիա խողովակաշարի վրա հարձակման պատասխանատվությունը ստանձնել է PKK-ի հետ կապված խմբավորումը։ Նրանց հայտարարության մեջ ասվում է, որ գործողությունն իրականացվել է թուրքահայ լրագրող Հրանտ Դինքի սպանության տարելիցի կապակցությամբ. հայտնում է թելեգրամյան Wild Field ալիքը:

Նշվում է, որ Քուրդիստանի աշխատավորական կուսակցության` PKK-ի այս գործողությունը պատասխանն է թուրքական երկու ընդդիմադիր կուսակցությունների` քեմալական CHP-ի և «Լավ» կուսակցության կողմից քրդամետ HDP կուսակցության պատգամավոր Սեմրա Գյուզելին պատգամավորական անձեռնամխելիությունից զրկելուն կողմ քվեարկելուն: Դեռ ավելին` «Լավ» կուսակցության գլխավոր քարտուղար Ուղուր Փոյրազն անգամ բացահայտորեն կոչ է անում լուծարել քրդամետ կուսակցությունը: