«3+3» ֆորմատի մասին ՀՀ-ն լռում է, ինչո՞վ է պայմանավորված այս կրավորական վարքագիծը. Աննա Գրիգորյան

Ի՞նչ քայլեր են ձեռնարկվել Մինսկի խմբի ձևաչափով բանակցությունները վերսկսելու համար, և նոր «3+3» ֆորմատի մասով՝ Հայաստանն ի՞նչ դիրքորոշում ունի․ Ազգային ժողովում ԱԳ փոխնախարարին հարց ուղղեց «Հայաստան» խմբակցության պատգամավոր Աննա Գրիգորյանը:

«Հայաստանը կարևոր է համարում, որպեսզի տարածաշրջանային համագործակցության առաջարկվող ձևաչափերը չկրկնօրինակեն արդեն գոյություն ունեցողները։ Կան տարածաշրջանային համագործակցության մի քանի առաջարկներ, և «3+3»-ը դրանցից մեկն է։ Մեզ անհրաժեշտ է միասնական դիրքորոշում որդեգրել բոլորի հանդեպ։ Մեզ համար առաջնայինը Հայաստանի ազգային շահերի պաշտպանությունն է, վտանգների, ռիսկերի հաշվարկումը»,- ասաց ՀՀ ԱԳ փոխնախարար Վահե Գևորգյանը։