Ճանապարհների ապաշրջափակումը բերելու է ՀՀ-ի և Արցախի խոր շրջափակման․ Սեյրան Օհանյան

Այս մեկ տարվա ընթացքում ՀՀ իշխանությունները պետք է համապատասխան միջոցառումներ ձեռնարկեին ռազմավարական վերանայում իրականացնելու համար և այդ ռազմավարական վերանայմամբ գնահատեին անվտանգության միջավայրը,  ներքին և արտաքին սպառնալիքները։ Բայց ՀՀ իշխանությունները, ունենալով բոլոր հնարավորությունները  և ամբողջ գործիքակազմը, դա չեն իրականացրել։ Այս մասին «Պատերազմի քննիչ հանձնաժողովի անհրաժեշտությունը. հետպատերազմյան ապաքինում» թեմայով քննարկման ժամանակ ասաց «Հայաստան» խմբակցության ղեկավար Սեյրան Օհանյանը։

Նրա խոսքով՝ այդ նախաձեռությունները իշխանությունները պետք է կատարեին և ընդգրկեին ընդդիմությանը, սակայն ստիպված է լինում նախաձեռնել ընդդիմությունը, որին իշխանությունները չեն փորձում անգամ ընդգրկվել։

«Իրենք ասում են՝ տարածաշրջանի ապաշրջափակում, բայց մենք հասկանում  ենք, որ ճանապարհների ապաշրջափակումը բերելու է ՀՀ-ի և Արցախի խոր շրջափակման, նկատի ունեմ և՛ տնտեսական  ճնշման, և՛ փորձելով գոնե Սյունիքի հատվածում ժողովրդագրական պատկերը փոխելու արդյունքում»,- ասաց Օհանյանը։

Մանրամասն՝ տեսանյութում։