Վրաստանի խորհրդարանը նոր կառավարություն ձևավորեց

Վրաստանի խորհրդարանը կողմ քվեարկեց Գիորգի Գախարիայի վարչապետի պաշտոնում ընտրվելուն, հետևաբար «Վրացական երազանք» կուսակցությունը 85 կողմ 0 դեմ ձայնով վստահություն տվեց նոր կառավարությանը: Այս մասին հաղորդում է Aliq.ge-ն։

Հիշեցնենք՝ այսօրվա լիագումար նիստին չէին մասնակցում 8 ընդդիմադիր կուսակցությունների 60 պատգամավոր: Վերջիններս բոյկոտի ռեժիմում են, քանի որ չեն ճանաչում հոկտեմբերի 31-ին կայացած խորհրդարանական ընտրությունների արդյունքները:

Նոր ձևավորված կառավարության անդամներն են՝

• Տարածքային զարգացման և ենթակառուցվածքների նախարար Մայա Ցքիթիշվիլին,
• Արդարադատության նախարար Գոչա Լորթքիփանիձեն,
• Ներքին գործերի նախարար Վախթանգ Գոմելաուրին,
• Էկոնոմիկայի և կայուն զարգացման նախարար Նաթիա Թուրնավան,
• Արտաքին գործերի նախարար Դավիթ Զալկալիանին,
• Ֆինանսների նախարար Իվանե Մաճավարիանին,
• Կրթության, գիտության, մշակույթի, սպորտի նախարար Միխեիլ Չխենկելին,
• Բռնի տեղահանվածների, աշխատանքի, առողջապահության, սոցիալական  պաշտպանության նախարար Էկատերիե Տիկարաձեն,
• Գյուղատնտեսության և շրջակա միջավայրի պահպանության նախարար Լևան Դավիթաշվիլին,
• Պաշտպանության նախարար Իրակլի Ղարիբաշվիլին,
• Հաշտության և քաղաքացիական հավասարության պետնախարար Թեա Ախվլեդիանին։