Իրավիճակն ընդհանուր առմամբ կայունացել է. ՌԴ նախագահ

Ռուսաստանի նախագահ Վլադիմիր Պուտինը հստակ և համակարգված է որակել Լեռնային Ղարաբաղում ռուս խաղաղապահների աշխատանքը: ՌԴ նախագահն այս մասին ասել է Լեռնային Ղարաբաղում ռուսական խաղաղապահ առաքելության վերաբերյալ խորհրդակցության ժամանակ:

«Օգտվելով առիթից ՝ ցանկանում եմ ընդգծել ռուս խաղաղապահների հստակ, համակարգված աշխատանքը: Ռուսական խաղաղապահ ուժերի տեղակայումը թույլ տվեց դադարեցնել արյունահեղությունը և խուսափել նոր զոհերից», - ասել է Պուտինը՝ Լեռնային Ղարաբաղում ռուս խաղաղապահների տեղակայման թեմայով հրավիրված խորհրդակցության ժամանկ:

ՌԴ նախագահի խոսքով` ռուս զինվորականներն արդյունավետ վերահսկողություն են իրականացնում հրադադարի ռեժիմի նկատմամբ, որը պահպանվում է երկու կողմերի կողմից: «Իրավիճակն ընդհանուր առմամբ կայունացել է», - նշել է ՌԴ նախագահը: