Ռուսաստանի ռազմական ոստիկանությունը միացել է Ղարաբաղում խաղաղապահ զորախմբին

Ռուսաստանի ռազմական ոստիկանության ստորաբաժանումներն ընդգրկվել են Լեռնային Ղարաբաղ ուղարկված խաղաղապահ զորախմբի կազմում. հայտարարել է ՌԴ ԶՈւ ԳՇ գլխավոր օպերատիվ վարչության պետ Սերգեյ Ռուդսկոյը:

«Խաղաղապահ գործողության տարածքում խաղաղապահ զորամիավորման մաս կազմող ռազմական ոստիկանության ստորաբաժանումները նույնպես առաջադրանքներ կկատարեն: Նրանք պատասխանատու են շփման գծի երկայնքով պարեկություն իրականացնելու, ավտոշարասյուններն ու բեռները ուղեկցելու համար»,- ասել է Ռուդսկոյը չորեքշաբթի տեղի ունեցած ճեպազրույցում:

«Գործողությունը կառավարելու համար ստեղծվել է խաղաղապահ ուժերի հրամանատարություն, որը ներառում է զինված բախումներում զորքերը ղեկավարելու մեծ փորձ ունեցող սպաներ»,- հավելել է նա: