Բաքվի օդանավակայանը հայտնում է ռազմական դրության պատճառով չվերթերի դադարեցման մասին

Ադրբեջանում ռազմական դրություն մտցնելու պատճառով Բաքվի Հեյդար Ալիեւի անվան միջազգային օդանավակայանը մի շարք թռիչքներ ժամանակավորապես դադարեցնում է:

Մասնավորապես, մինչեւ սեպտեմբերի 30-ը Բաքու-Նախիջեւան-Բաքու ուղղությամբ նախատեսված բոլոր թռիչքները դադարեցվել են, չեղյալ է հայտարարվել հոկտեմբերի 1-ին նախատեսված Բաքու-Լոնդոն-Բաքու եւ Բաքու-Բեռլին-Բաքու չվերթերը:

Բացի այդ, FlyDubai-ը չեղարկել է Դուբայ-Բաքու-Դուբայ երթուղով սեպտեմբերի 29-ին նախատեսված թռիչքը, հոկտեմբերի 1-ին եւ 3-ին «Աէրոֆլոտ» ավիաընկերության Մոսկվա-Բաքու-Մոսկվա թռիչքները, հոկտեմբերի 1-ին եւ 4-ին նախանշված «Բելավիա» ավիաընկերության Մինսկ-Բաքու թռիչքները: