Ալեն Սիմոնյանն ու Հրաչյա Հակոբյանը նույնպե՞ս պահանջում են Արայիկ Հարությունյանի հրաժարականը

«Լուսավոր Հայաստան» խմբակցության պատգամավորներ Անի Սամսոնյանի և Գևորգ Գորգիսյանի կողմից ԿԳՄՍ նախարար Արայիկ Հարությունյանին ուղղված «Քայլ արա՛, հեռացի՛ր» գրությամբ պաստառը «զվարճացրել է» ԱԺ փոխնախագահին և «Իմ քայլը» խմբակցության պատգամավոր Հրաչյա Հակոբյանին (ՀՀ վարչապետ Նիկոլ Փաշինյանի աներորդին)։ 

Այս առնչությամբ Ալեն Սիմոնյանն իր ֆեյբուքյան էջում լուսանկար է հրապարակել պատգամավոր Հրաչյա Հակոբյանի հետ, որում տեսանելի է նշյալ պաստառը։

ԱԺ փոխնախագահը մակագրել է հետևյալ կերպ. «Թեժ աշունը ԱԺ դահլիճում»։

Հիշեցնենք, որ ՀՀ Ազգային ժողովի «Լուսավոր Հայաստան» խմբակցության պատգամավոր Անի Սամսոնյանին արգելել են ԱԺ նիստերի դահլիճ մտցնել այդ պաստառը։