Լուկաշենկոն արևմտյան երկրներին առաջարկել է սեփական խնդիրներով զբաղվել

Բելառուսի նախագահ Ալեքսանդր Լուկաշենկոն արևմտյան երկրների ղեկավարներին առաջարկեց ուշադրություն դարձնել սեփական խնդիրների վրա: Նա այդ մասին հայտարարել է օգոստոսի 19-ին Անվտանգության խորհրդի նիստում. հայտնում է «Բելտա»-ն:

Հանրապետության ղեկավարին վրդովեցրել է այն փաստը, որ արևմտյան երկրները բացահայտ հայտարարում են դրամահավաքի մասին Բելառուսում անցկացվող բողոքի ցույցերի համար: Լուկաշենկոն հայտարարել է, որ շատ գումարներ կանխիկ են գալիս:

Նա խորհուրդ է տվել ԵՄ պլանավորված հանդիպմանը քննարկել Ֆրանսիայում դեղին բաճկոնների կամ ԱՄՆ-ում անկարգությունների խնդիրը:

Լուկաշենկոն հավելել է, որ չպետք է կենտրոնանալ Բելառուսի վրա, որպեսզի ուշադրությունը շեղվի Ֆրանսիայի, ԱՄՆ-ի, Գերմանիայի և այլ երկրների խնդիրներից: «Ինձ թվում է, որ այդ պարոնայք գերան ունեն իրենց աչքերում: Բայց նրանք դա չեն տեսնում », - ասել է Բելառուսի առաջնորդը: