Հնդկաստանում հեղեղումների զոհերի թիվը հասել Է 470-ի. The Times of India

Հնդկաստանի ութ նահանգներում առնվազն 470 մարդ է զոհվել մուսոնային անձրեւների հարուցած հեղեղումների հետեւանքով: Հուլիսի 22-ին այդ մասին հաղորդել է The Times of India թերթը՝ վկայակոչելով երկրի ներքին գործերի նախարարությանը: Նախարարության տվյալներով՝ առավել մեծ թվով զոհվածներն Արեւմտյան Բենգալիայի եւ Ասամի նահանգներում են: Սաստիկ հեղեղումն այնտեղ առաջացրել է Բրահմապուտրա գետի վարարումը:

Ասամում ջրի հոսքերից 3 հազար գոյուղ է ոչնչացել նահանգի 33 շրջաններից 25-ում: Հեղեղումների հետեւանքով զոհվածների մասին հաղորդումներ են ստացվում Գուջարաթի, Մահարաշթրայի, Բիհարի եւ այլ նահանգներից: Տարերային աղետից տուժած տարածաշրջաններում ստեղծվել են 800 ժամանակավոր ճամբարներ հեղեղումների գոտուց տարահանվածների համար, դրանցում տեղավորվել է շուրջ 2 միլիոն մարդ: