Նիկոլ Փաշինյանը շնորհավորել է Լեհաստանի նախագահին՝ պաշտոնում վերընտրվելու կապակցությամբ

ՀՀ վարչապետ Նիկոլ Փաշինյանը շնորհավորական ուղերձ է հղել Լեհաստանի Հանրապետության նախագահ Անջեյ Դուդային՝ պաշտոնում վերընտրվելու կապակցությամբ: Այս մասին Yerkir.am-ին հայտնում են ՀՀ վարչապետի աշխատակազմի տեղեկատվության և հասարակայնության հետ կապերի վարչությունից:

Ուղերձում ասված է.

«Ջերմորեն շնորհավորում եմ Ձեզ Լեհաստանի Հանրապետության նախա­գահի պաշտոնում վերընտրվելու կապակցությամբ:

Վստահ եմ, որ Ձեր՝ առաջիկա պաշտոնավարման ընթացքում հաջողու­թյամբ կիրականանան բոլոր այն նախաձեռնված ծրագրերը, որոնք միտված են Լեհաս­տանի բարգավաճմանը, լեհ ժողովրդի բարեկեցության և Լեհաստանի մի­ջազ­գային վարկի ամրապնդմանը։

Հայաստանը մեծապես կարևորում է պատմական բարեկամության և ընդհա­նուր արժեքների վրա հիմնված հայ-լեհական համագործակցության շարու­նակա­կան զարգացումը` երկուստեք հետաքրքություն ներկայացնող բոլոր բնագա­վառ­ներում և բազմակողմ հարթակներում»: