Սիրիական ընդդիմությունը երկրի հյուսիս-արևելքում տասնյակ քաղաքացիներ է առևանգել. ԶԼՄ-ներ

Սիրիական զինված ընդդիմության խմբավորումները, որոնք վայելում են թուրքական բանակի աջակցությունը, առևանգել են ավելի քան 30 խաղաղ բնակչի՝ Թուրքիայի հետ սահմանի մոտակայքում՝ Հասաքե շրջանի Թել-Հալաֆ բնակավայրում։ Այս մասին հայտնում է սիրիական SANA գործակալությունը։

Դեպքի վերաբերյալ այլ մանրամասներ չեն հաղորդվում։

Հիշեցնենք, որ 2011 թվականից սկված սիրիական քաղաքացիական պատերազմը շարունակում է ցօրս։ Թեև երկրի օրինական նախագահ Բաշար Ասադին հաջողվել է իր վերահսկողությունը վերականգնել երկրի տարածքի հիմնական մասում, այնուհանդերձ հյուսիսային շրջանները շարունակում են անկայուն մնալ, որտեղ Թուրքիայի աջակցությունը վայելող ընդդիմությունը և ահաբեկչական խմբավորումները շարունակում են մարտերը Ասադի դեմ, իսկ Թուրքիան արդեն կարողացել է բռնազավթել Աֆրինի շրջանը։