Իրանը մայիսի 16-ից պատրաստվում է վերաբացել դպրոցները

Իրանական իշխանությունները նախատեսում են մայիսի 16-ից վերաբացել դպրոցները. այս մասին հայտարարել է իրանական կառավարության պաշտոնական ներկայացուցիչ Ալի Ռաբիին. հայտնում է «ՌԻԱ Նովոստին»։

«Մենք որոշում ենք ընդունել մայիսի 16-ից բացել բոլոր դպրոցները՝ պահպանելով բժշկական բոլոր կարգադրությունները, սակայն այնտեղ աշակերտների ներկայությունը պարտադիր չի լինի», - իրանական IRINN հեռուստաընկերության եթերում հայտնել է Ռաբիին։

Իրանում փետրվարի 19-ից սկսած, երբ հայտարարվել էր կորոնավիրուսի առաջին դեպքի մասին, մինչ օրս գրանցվել է վարակման 107.6 հազար դեպք, որից 6640-ը մահվան ելքով։

Իրականացված առաջին միջոցառումներից էր նաև դպրոցների և ուսումնական հաստատությունների փակումը։