Լիբանանում բողոքի ակցիաներ են. բախումներ են տեղի ունեցել ցուցարարների ու ոստիկանների միջև

Լիբանանի Տրիպոլի քաղաքում բախումներ են տեղի ունեցել հակակառավարական ցույցերի մասնակիցների և իրավապահների միջև. այս մասին տեղեկացնում է Independent-ը։

Մասնավորապես,  ցուցարարները քարեր և տարբեր առարկաներ են նետել անվտանգության ուժերի վրա, վերջիններս արցունքաբեր գազ են կիրառել և ռետինե փամփուշտներ արձակել ցուցարարների ուղղութամբ: Ակցիայի մասնակիցները բանկեր են հրդեհել:

Հիշեցնենք՝ Լիբանանի տարբեր քաղաքներում մի քանի օր է, ինչ բողոքի ակցիաներ են կազմակերպվում երկրի սոցիալ-տնտեսական վիճակի, ազգային արժույթի արժեզրկման դեմ: Ցուցարարները ստեղծված իրավիճակում մեղադրում են ներկա և նախկին կառավարությանը: