Համավարակի շրջանում սոցցանցերում ակտիվացել են ԻՊ ահաբեկիչները. Al-Masdar News

Իրաքի թվային մեդիաների կենտրոնը արձանագրել է «Իսլամական պետություն» ահաբեկչական խմբավորման  անդամների ու նրանց կողմնակիցների աքաունթների թվի մեծացում սոցցանցերում: Ըստ իրաքցի մասնագետների` այդ ընդլայնումը հատկապես նկատելի է «Ֆեսբուք»-ում. տեղեկացնում է yerkir.am-ը` Al-Masdar News գործակալությանը հղումով:

Կենտրոնի մամուլի հաղորդագրության մեջ նշվում է, որ  ԻՊ-ականների ակտիվացումը տեղի է ունեցել վերջին ամիսներին` կորոնավիրուսի համավարակի ֆոնին, և պայմանավորված է ծայրահեղական բովանդակությամբ գրառումները ջնջելու պահանջին «Ֆեյսբուք»-ի աջակցման ծառայության ուշ արձագանքով:

«ԻՊ անդամները և նրանց աջակիցները, օգտվելով այդ հնարավորությունից, սկսեցին ակտիվորեն նոր էջեր բացել և ակտիվացնել հին աքաունթները, նաև հրապարակել ու քարոզել իրենց ծայրահեղական գաղափարախոսությունը պլատֆորմի միջոցով»,- ասվում է հաղորդագրության մեջ:

Իրաքի թվային մեդիաների կենտրոնը օգտատերերին խորհուրդ է տալիս չշփվել այդ էջերի հետ և համապատասխան համակարգված ջանքերով դիմակայել սոցցանցերում ծայրահեղականության տարածմանը: