Մենք պայքարում ենք երկու վիրուսի դեմ՝ կորոնավիրուսի և պատժամիջոցների. Ռոհանի

Իրանի նախագահ Հասան Ռոհանին հայտարարել է, որ չնայած կորոնավիրուսի և պատժամիջոցների դեմ պայքարին,  իրանցիները ոչ մի րոպե ձեռքները ծալած չեն նստելու՝ հանուն երկրի զարգացման և կշարունակեն հետևել առողջապահության կանոններին. հայտնում է Regnum-ը։

Ապրիլի 16-ին, ելույթ ունենալով ջրամատակարարման և էներգետիկ ոլորտում մի շարք խոշոր ծրագրերի բացման արարողությանը, Հասան Ռոհանին նշել էր. «Այս ծրագրերի գործարկումը միայն էներգետիկ ոլորտում իր մեջ տեղեկատվություն է պարունակում այն բանի մասին, որ բոլորը ջանասիրաբար աշխատում են իսլամական Իրանի զարգացման համար»։

Ռոհանին հավելել էր, որ իրանցի ժողովուրդը պետք է իմանա, որ այս տարի ծանր տարի է լինելու, քանի որ երկիրը պայքարում է երկու վիրուսի դեմ՝ պատժամիջոցների և կորոնավիրուսի, և կանեն ամեն հնարավորը, որ մարդիկ լավ ապրեն։