ՆԱՏՕ-ի անդամ երկրները կպայքարեն կորոնավիրուսի վերաբերյալ տարածվող ապատեղեկատվության դեմ. Պենտագոն

ՆԱՏՕ-ի անդամ երկրների պաշտպանության նախարարները ապրիլի 15-ին տեղի ունեցած տեսակոնֆերանսի ընթացքում շեշտել են նոր տեսակի կորոնավիրուսի պայմաններում ապատեղեկատվությանը հակազդելու կարևորությունը. այս մասին նշված է ԱՄՆ Պաշտպանության նախարարության՝ Պենտագոնի կողմից տարածված հայտարարության մեջ. հայտնում է Yerkir.am-ը։

Փաստաթղթում, մասնավորապես, նշված է. «Նախարարներն ընդգծել են պետական և ոչ պետական խաղացողների ապատեղեկատվությանը հակազդելու կարևորությունը»։

Նիստին մասնակցել է ամերիկյան ռազմական գերատեսչության ղեկավար Մարկ Էսպերը:

Միևնույն ժամանակ կողմերը հաստատել են նաև կորոնավիրուսի դեմ համատեղ պայքարը շարունակելու հարցում իրենց պատրաստակամությունն ու պարտավորությունը: