Վրաստանի մոտ 1000 քաղաքացի հրաժարվել է կոմունալ վճարների արտոնությունից. NewsGeorgia.ge

Վրաստանի մոտ հազար քաղաքացի հրաժարվել է կոմունալ վճարների արտոնությունից. նման հայտարարությամբ է հանդես եկել երկրի Էլեկտրաէներգիայի ու ջրամատակարարման հարցերի կարգավորման հանձնաժողովի ղեկավար Դավիթ Նարմանիան, հայտնում է Yerkir.am-ը՝ newsgeorgia.ge-ին հղումով։

Նա, մասնավորապես, նշել է, որ այս պահի դրությամբ գրեթե հազար քաղաքացի սոցիալական պատասխանատվություն է ցուցաբերել ու հրաժարվել է կառավարական աջակցությունից, քանի որ դրա կարիքը չունեն: Նրա կարծիքով՝ սա գովելի քայլ է, որ հնարավորություն է տալիս խնայել պետական միջոցները ու հնարավորություն տալիս կառավարությանը՝ դրանք ծախսել առավել կարևոր միջոցառումների վրա: 

Հիշեցնենք՝ Վրաստանի կառավարությունը որոշում է  կայացրել պետական բյուջեից ֆինանսավորել մարտ, ապրիլ ու մայիս ամիսների կոմունալ վճարները: Արտոնությունը մոտ 1,2 մլն ընտանիքի համար է։