Ավստրալիայում մեկնարկել է կորոնավիրուսի 2 հնարավոր պատվանյութերի փորձարկումը կզաքիսների վրա. BBC

Ավստրալիայում մեկնարկել է կորոնավիրուսի 2 հնարավոր պատվաստանյութերի նախակլինիկական հետազոտությունների անցկացումը. հայտնում է Yerkir.am-ը՝ BBC-ին հղումով:

Նշվում է՝ պատվաստանյութերը մշակվել են Օքսֆորդի համալսարանի ու ամերիկյան Inovio Pharmaceutical ընկերության կողմից, իսկ Առողջապահւթյան համաշխարհային կազմակերպությունը թույլատրել է դրանց փորձարկումը կենդանիների վրա:

Միևնույն ժամանակ հավելվում է՝ փորձարկումը կկատարվի կզաքիսների վրա, որոնք վարակվում են նույն կերպ, ինչպես մարդիկ:

BBC-ն նշում է նաև, որ աշխարհի մի շարք երկրներում մեծ արագությամբ անցկացվում են պատվաստանյութի մշակման աշխատանքներ: Մասնագետների խոսքով՝ համաշխարհային համագործակցությունն այս հարցում աննախադեպ է, որովհետև սովորաբար ներկա փուլին հասնելու համար պահանջվում է 1-2 տարի: