ՀՅԴ Եվրոպայի Հայ դատի գրասենյակը չեղարկել է Արցախում դիտորդական առաքելությունը՝ կորոնավիրուսի տարածման ֆոնին

ՀՅԴ Եվրոպայի Հայ դատի գրասենյակը ծրագրել էր տասը Եվրոպացի դիտորդներից կազմված կարճաժամկետ ընտրական դիտորդական առաքելություն տանել Արցախ, այսօր տեղի ունենալիք խորհրդարանական և նախագահական ընտրություններին: Սակայն այն չեղարկվել է՝ կորոնավիրուսի տարածման ֆոնին. հայտնում է Yerkir.am-ը՝ eafjd.eu-ին հղումով։

Նշվում է՝ Արցախի Հանրապետության կենտրոնական ընտրական հանձնաժողովը հայտարարել է, որ ընտրությունները չեն չեղարկվում, քանի որ այսօրվա դրությամբ Արցախում հաստատված չեն կորոնավիրուսային դեպքեր: 

Նախկինում ՀՅԴ Եվրոպայի Հայ դատի գրասենյակը հաջողությամբ տեղակայել էր մի շարք առաքելություններ, ներառյալ ՝ 2017 թվականի փետրվարին Արցախի Հանրապետության սահմանադրության հանրաքվեն և 2015 թվականի մայիսին Լեռնային Ղարաբաղի խորհրդարանական ընտրությունները: