105-ամյա իտալահայ պապիկը ցանկանում է ՀՀ քաղաքացիություն ստանալ

Իտալիայի քաղաքացի 105-ամյա Նուրհան Պողոս Յուսուպովիչը ցանկություն է հայտնել դառնալ Հայաստանի Հանրապետության քաղաքացի և ստանալ անձնագիր:

Այս մասին իր ֆեյսբուքյան էջում գրում է ՀՀ ոստիկանության անձնագրային և վիզաների վարչության պետ Մնացական Բիչախչյանը:

«Նուրհան պապիկը ծնվել է 1915թ., Արևմտյան Հայաստանում, 105 տարեկան է, Իտալիայի քաղաքացի: Ցանկություն է հայտնել ստանալ ՀՀ քաղաքացիություն և պատվով կրել ՀՀ քաղաքացու անձնագիրը:
Իհարկե մենք բացառության կարգով սահմանված փաստաթղթերը դիմումի հետ միասին ընդունեցինք բնակարանում, առանց վարչություն հրավիրելու:
Երկարակեցություն և առողջություն ենք մաղթում նրան», - գրում է Բիչախչյանը: