ՌԴ կոմունիստական կուսակցությունը Վենեսուելայի նախագահին պարգևատրել է Լենինի շքանշանով

Ռուսաստանի Դաշնության կոմունիստական կուսակցությունը Լենինի շքանշանով է պարգևատրել Վենեսուելայի նախագահ Նիկոլաս Մադուրոյին: Այս մասին հայտնում է РИА Новости-ն:

Պարգևը հանձնել է կոմունիստական կուսակցության անդամ Յարոսլավ Լիստովը` Կարակասում տեղի ունեցած իմպերիալիզմի դեմ միջազգային երեկոյի ժամանակ, որին ներկա էր նաև Մադուրոն:

«Կոմունիստական կուսակցության անունից՝ Վլադիմիր Իլյիչ Լենինի 150-ամյակի տարում հանձնում ենք այս շքանշանը: Լենինն այն մարդն էր, ով առաջին անգամ սպառնալիքներ տեսավ իմպերիալիզմի մեջ և դրա դեմ պայքարի միջոցներ ստեղծեց: Պարգևատրում ենք և հույս հայտնում, որ նրա փորձը հաղթանակի գրավական կդառնա 2020 թվականին` Վենեսուելայի համար»,- ասել է Լիստովը:

«Շնորհակալություն»,- ռուսերենով պատասխանել է Մադուրոն: