Կորսիկան հեղեղումների պատճառով կտրվել է մայրցամաքից

Ուժգին քամին ու հեղեղումները դարձել են ֆրանսիական Կորսիկա կղզում նավահանգիստների և 4 օդանավակայանների փակման պատճառ։. ըստ Yerkir.am-ի՝ հայտնում է Le Figaro-ն:

Մայրցամաքի հետ կապը կտրվել է։ Կղզու ողջ տարածքում երկաթուղային հաղորդակցությունը դադարեցվել է, միևնույն ժամանակ օդանավակայանների թռիչքուղիները ծածկվել են ջրի հաստ շերտով։ Օդանավակայաններին հարակից հյուրանոցներում կուտակվել է շուրջ 7200 ուղևոր։

Ակնկալվում է, որ այսօր օրվա երկրորդ կեսին օդանավակայանները կվերսկսեն աշխատանքը։

Հիշեցնենք, որ Կորսիկայի լեռնային շրջաններում տեղումները շարունակում են։ Այս պահի դրությամբ քամու արագությունը կազմում է 33.3- 41.6 մ/վ։ Անբարենպաստ եղանակային պայմաններ են նաև Ֆրանսիայի արևմտյան ատլանտյան ափին. այստեղ մոտ 100 հազար տուն մնացել է առանց էլեկտրականության։