Չինական գլոբուսների բոլոլան խորացել է. Արտյոմ Տոնոյան

Փաստորեն երեկվա մեր գրառումից հետո մեզանից արևելք չինական գլոբուսների բոլոլան ավելի խորացավ ու ահավոր բազարներ սկսվեցին`ըստ Yerkir.am-ի ֆեյսբուքյան այսպիսի գրառում է արել իրանագետ Արտյոմ Տոնոյանըՙ ակնարկելով նախօրեի իր գրառումը, որով հայտնում էր Ադրբեջանի դպրոցներում հայտնված գլոբուսի մասին, որը Հայաստանի կազմում է պատկերում ոչ միայն Արցախը, այլև Նախիջևանը։

«Նշում են, որ փաստորեն իրենց ուժն էնքան չի պատում, որ Չինաստանին բողոքեն ու չթողնեն, որ էտ գլոբուսներից արտադրի ու ուղարկի Ադրբեջան: Էլ չասած իրենց տխրության մասին էն փաստից, թե հայերս ինչքան ենք հրճվել, որ չինացիները ադրբեջանցի դպրոցականներին նստեցրել են «ղարաբաղազուրկ ու նախիջևանազուրկ Ադրբեջան» պատկերող գլուբուսներով աշխարհը տեսնելու վրա»,-գրել է նա։